Daghang salamat sa mga ginikanan, apohan, ug mga tig-atiman nga nagdala sa ilang mga anak aron mabakunahan ug naghatag sa ilang pagsalig sa atong mga health workers alang sa dugang proteksyon batok sa measles ug rubella. 💉👶
Dako among kalipay nga inyong gipili ang husto ug kasaligan nga impormasyon alang sa kaayuhan sa inyong mga anak. Sa panahon nga daghan kaayong impormasyon nga naglibot sa social media, importante nga atong susihon ang tinubdan ug mangutana sa mga health professionals aron makabuhat og husto ug responsableng desisyon.
Ang Measles-Rubella (MR) vaccine dugay nang kabahin sa National Immunization Program sa Department of Health (DOH). Ang regular nga pagbakuna sa atong mga chikiting usa ka importante nga paagi sa pagpanalipod kanila batok sa mga sakit nga mahimong malikayan pinaagi sa bakuna. 💪🛡️
Sa padayon nga pagtinabangay sa mga ginikanan, health workers, ug komunidad, mas mapalig-on nato ang proteksyon sa atong mga kabataan ug malikayan ang pagkaylap sa mga sakit.
❤️ Daghang salamat, mga ginikanan, sa inyong pagsalig ug kooperasyon. Ang inyong pag-apil dili lamang para sa kaayuhan sa inyong anak, kundili usa usab ka dakong kontribusyon sa kahimsog ug kaluwasan sa tibuok komunidad.
🤝 Magbakuna. Magtinabangay. Magpanalipod sa atong mga chikiting!
#ChikitingLigtas
#LigtasTigdas
#BatangBakunadoProtektado
#MRSIA
#Purok4
